東京奧運目前仍然進行中，但中國女排喺小組賽嘅成績接連失利，甚至仲提前於分組賽出局，無緣晉級。面對住呢種突如其來嘅結果，唔少中國女排嘅支持者都相當唔慣，甚至仲有部份人質疑中國女排同埋郎平嘅能力。喺呢個時候，阿史就想同大家講一講「女排精神」。

眾所周知其實郎真係一個好傳奇嘅人物，由八十年代嘅世界「三大主攻手」之一再變成世界知名嘅主教練，一路走嚟都相當唔容易，而對佢嚟講佢嘅使命並唔單止係要帶領國家隊奪冠，更重要就係傳承「女排精神」。咁到底乜嘢先係「女排精神」呢？

喺上世紀70、80年代，當時國家改革開放進行緊，而女排亦都同步發展，喺缺少資源、科技同埋其他訓練條件下，中國女排憑住教練同埋球員之間嘅刻苦努力達到「祖國至上、團結協作、頑強拼搏、永不言敗」，結果就促成世界排球史上第一支「五連冠」隊伍。

而嚟到近代，中國各方面都得以發展，人嘅思想亦都有唔少轉變，國家榮譽固然重要，但年輕球員自己亦都有唔少個人意識，於是「老女排精神」亦都有啲變化，唔再係「唯冠軍論」，而是「球可以輸，人不能輸」嘅「新女排精神」。

原圖嚟自網絡